Ilaahay ha u naxariistee, Ibraahin Sh. Aw Muxumed Sacmaal wuxuu ku dhashay magaalada Oodweyne. Wuxuuna wax ku soo bartay kulliyada ciidammada dalalka Ciraaq & Masar iyo Ruushka. Waxa uu wakiil uga ahaan jiray (Soomaaliya) Ururka Midowga Afrika (Organization Of African Unity-OAU) muddo 5 sano ah (1970 -1975).

Waxa uu tababare ka ahaa Guddiga Xoraynta Afrika (OAU-Coordinating Committee for the Liberation of Africa). Isaga oo tababari jiray dhaqdhaaaqyada gobanimodoonka Afrika, sida ANC-Koonfur Afrika, SWAPO-Namibia, MPLA-Angola, ZANU & ZAPU-Zimbabwe, FRELIMO-Mozambique,PAIGC-Guinea Bisau iyo Cape-Verde iyo kuwo kale.

Waqtiguu ku soo noqdayna wadanka mudo ayuu xilkii gaashaale sare ama xilkii Ciidamada waday, 1977 Dagaalkii Xabashida iyo Somalia, Markuu ka soo noqday ayaa ugu danbaysay xilkii Ciidanka,oo laga fadhisiyey. Markaa oo la geeyey ama uu shaqaale ka noqday wakaaladii Batroolka xamar,Waqtigaa ayuu bilaabay qoritanka buugta iyo buug hore loo qoray oo uu af somali u bedeli jiray ama uu turjumi jiray,Qaarna uu afka carabiga u turjumay,Hab maqaalo ayeey buugta uga soo bixi jireen wargeysyada dalak somalia waqtigaa oo ahayd sideetanadii 1988 ayuu ka baxay waddanka somalia,oo uu tagay dalka Namibia & Koonfur Afrika. 1994kii ayuu Yurub yimi

28- 01-2004 ayuu ku geriyooday AUN magaalada Odense,waddanka Denmark.

AUN Ibrahin.Sh. Aw Muxumed Sacmaal..AMIIN

Bugaagta uu qorayna waxaa ka mida ah:

1- Jidka Gobanimo (The Road to Liberation),wuxuu ka hadalyaa 11 dal oo Afrika kamida.

2- Doorka Haweenka Afrika ay ka Qaateen Halgankii Xoriyada Afrika (Role of African Women in The Liberation Strggle).

3- Tababare (The Trainer), waxa uu ku saabsan yahay tababare ciidan.

4- Baadigoobka Aafooyinka (Search of Epidemies) guud ahaan waa cilmibaadhis uu muddo dhowr sano ah ku jiray uruurinta ama raadraacayo kala duwanaa ama fikrado.waxa uu ka kooban yahay 27 mowduuc oo ka hadalaya dhibatooyinka cudurada, saboolnimada, darxumooyinka haysta Afrika,taa oo ay ugu horeeysay "AIDSKA " iyo xaga uu ka yimid, duumada (MALARIA), qaaxada (TB) iyo iwm.

Buugta uu turjumay waxaa ka mid ah

1-Xeerka Uruka Midowga Afrika ( OAU charter). Wax uu ku bedelay afka ingrisiga oo u bedelay afka somaliga,waxana qiimeyey jaamacada umada somaliyed ,gaar ahaan kuliyada sharciyada oo uu abaal marin ku siiyeen waqtigaa.

2- Qofka iyo Maandooriyah (Man & Drugs), waxa uu ku bedelay afka carabiga..wax uu u sii bedelay afka somaliga. Wax uu tababar Mukhaadaraadka ugu soo qatay kuliyadihii uu ka soo baxay ama uu wax ku soo baraty ee ciidamada wadamada ruushka, ciraaq, masar iyo hay'adaha qaramada midoobay (UN) ee u qabilsanaa Mukhaadaraadka " UN-ICAA "..waxana lagu soo dabici jiray wargeysyada somaliya...gaar ahaan jornaalkii somali ( xidigta oktoobar ).

3- Sixirka iyo Xasadka (Mabie & Envy), waxaana qoray AUN....AL-Sheikh Mohamed Mutawalli Al-Sha'rawi. Kitaabka waxa uu daliishanayaa Qu'aanka Kariimka ah iyo Axaadiista saxiixa ah, si dadka somaliyeed u gartaan waxa aya diintu ka qabto....oo aanay dad badani ogeeyn.

Waxaa taariikhdan Qortay : Issir Ibrahin Sh. Aw. M. Sacmaal